மனைவியுடன் கள்ள தொடர்பு, 24 வயது இளைஞன் அடித்து கொலை
இரத்தினபுரி, ஹிதெல்லன பகுதியில் இளைஞர் ஒருவர் அடித்து மரத்தில் கட்டப்பட்ட நிலையில் வைத்தியசாலையில் அனுமதிக்கப்பட்டதன் பின் சிகிச்சை பலன் இன்றி உயிரிழந்துள்ளார்.
இச்சம்பவம் நேற்று சனிக்கிழமை நடைபெற்றுள்ளதாக பொலிஸார் தெரிவித்துள்ளனர்.
இரத்தினபுரி பொலிஸ் பிரிவிற்குட்பட்ட ஹிதெல்லன பிரதேசத்தில் இளைஞன் ஒருவர் கடுமையாக தாக்கப்பட்டு மரத்தில் கட்டி வைக்கப்பட்டுள்ளதாக சனிக்கிழமை அதிகாலை இரத்தினபுரி பொலிஸ் நிலையத்திற்கு தகவல் கிடைத்தது.
ரோந்து பணியில் ஈடுபட்டிருந்த பொலிஸ் உத்தியோகத்தர்கள் மூலம் அம்புலன்ஸ் சேவையின் உதவியுடன் பாதிக்கப்பட்ட நபர் இரத்தினபுரி வைத்தியசாலையில் சேர்க்கப்பட்டார்.
எனினும் படுகாயமடைந்த நபர் மருத்துவமனையில் சிகிச்சை பெற்று வந்த நிலையில் சிகிச்சை பலனின்றி உயிரிழந்தார். இவ்வாறு உயிரிழந்த 24 வயது இளைஞன் குருவிட்ட பிரதேசத்தை சேர்ந்தவராவார்.
உயிரிழந்த நபர் திருமணமான பெண்ணுடன் தொடர்பு வைத்திருந்ததாகவும் பெண்ணின் கணவர் அவரை அடித்து மரத்தில் கட்டி வைத்துள்ளதாகவும் பொலிஸார் தெரிவிக்கின்றனர்.
பெண்ணின் கணவரான 37 வயதுடைய சந்தேகநபரை பொலிசார் கைது செய்துள்ளதுடன் விசாரணைகளையும் முன்னெடுத்து வருகின்றனர்.
